काठमाडौं, असार १९

रियल मड्रिडले स्पेनिस ला लिगा फुटबलमा गेटाफेलाई पराजित गरेको छ । गए राति भएको खेलमा रियल मड्रिडले गेटाफेलाई १-० गोलले पराजित गरेको हो ।

रियल मड्रिडको जितमा कप्तान सर्जियो रामोसले ७९ औं मिनेटमा पेनाल्टीमा गोल गरे । गेटाफेका मथियास ओलिभेराले रियलका ड्यानी कार्भान्जललाई फउल गरेपछि रियलले पेनाल्टी पाएको थियोे।

जितसंगै रियल मड्रिडले दोस्रो स्थानको बार्सिलोनासँग चार अंकको अग्रता बनाएको छ । रियल मड्रिडको ३३ खेलबाट ७४ अंक छ । समान खेलबाट बार्सिलोनाको ७० अंक छ र लिगको दोस्रो स्थान ।