आधारभूमि संवाददाता

काठमाडौँ, १८ असार

कोरोना सङ्क्रमणबाट थप एक जनाको मृत्यु भएको छ । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले ४९ दिने शिशुको कोरोना सङ्क्रमणबाट मृत्यु भएको जानकारी दिए ।

ती शिशुको बुधबार साँझ उपचारका क्रममा मृत्यु भएको हो । शिशुलाई असार ९ गते अचानक घाँटीमा समस्या देखिएपछि उपचारका लागि त्रिवि शिक्षण अस्पतालमा भर्ना  गरिएको थियो ।

श्वासप्रश्वासमा समस्या देखिएपछि सोमबार उनको घाँटीको शल्यक्रिया गरिएको थियो र शल्यक्रियाअघि पीसीआर परीक्षण गर्दा रिपोर्ट पोजिटिभ आएको थियो । 

योसँगै नेपालमा कोरोना संक्रमणबाट ज्यान गुमाउनेको संख्या ३१ पुगेको छ।