आधारभूमि संवाददाता

काठमाडौं, असार १८

सुनको मूल्य आज तोलामा रु ७०० ले घटेको छ । स्थानीय बजारमा आज छापावाल सुनको मूल्य प्रतितोला रु ९१ हजार र तेजाबी सुनको मूल्य प्रतितोला रु ९० हजार ५६५ मा झरेको छ । बुधवार सुनको मूल्य बढेर हाल सम्मकै उच्च विन्दुमा पुगेर छापावाला सुनको मूल्य प्रतितोला रु ९१ हजार ७०० र तेजाबी सुनको मूल्य प्रतितोला रु ९१ हजार २६५ मा कारोबार भएको थियो ।

आज महासङ्घले चाँदीको मूल्य प्रतितोला रु ९५० निर्धारण गरेको छ । हिजो चाँदीको मूल्य प्रतितोला रु ९६० रुपैयाँमा कारोबार भएको थियो ।