काठमाडौ, असार १८
कोभिड १९ का कारण बिदेशमा अलपत्र परेकाहरु मध्ये एकै दिन १५ सय जनाको उद्धार गरिएको छ । सिसिएमसीका अनुसार बुुधबार कतारबाट दुुई वटा उडान मार्फत क्रमश एक सय ४५ र एक सय ५२, युुएईबाट तीन वटा उडान मार्फत क्रमश एक सय ५२, एक सय ५८ र एक सय ४८, कुवेतबाट दुुई वटा उडामार्फत क्रमश एक सय ५९ र एक सय ६०, साउदी अरेबियाबाट दुुई सय ५७ र मलेसियाबाट १४ सय सहित झण्डै १५ सय जनाको उद्धार गरिएको हो । यसबाहेक कतारबाट एक, साउदी अरेबियाबाट ११, कुुवेतबाट दुुई सय युुएई बाट एउटा लास समेत फिर्ता ल्याईर्एको छ ।
कोभिड १९ विश्वव्यापी संक्रमणबाट उत्पन्न असहज परिस्थितिका कारण विदेशमा अलपत्र परेका र स्वदेश आउनै पर्ने नेपाली नागरिकहरुलाई सुरक्षितसाथ स्वदेश ल्याउने सिलसिलामा बुुधवार उक्त संख्यामा नागरिकहरुको उद्धार गरिएको सिसीएमसीले जनाएको छ ।
यसरी फिर्ता ल्याईएकाहरुलाई नेपाली सेनाको व्यवस्थापनमा प्रादेशिक रुपमा स्थापना गरिएको होल्डिङ सेन्टरहरुमा लगिएको छ । उक्त होल्डिङ सेन्टरहरुमा व्यक्तिगत विवरण संकलन, स्वास्थ्य परीक्षण लगायतका आवश्यक प्रकृया पूरा गरी सम्बन्धित प्रदेशहरुको समन्वयमा क्वारेन्टाईनहरुमा पठाउने तयारी भईरहेको सिसिएमसीले जनाएको छ । यो समेत गरी हालसम्म बिदेशमा अलपत्र परेका १३ हजार सात सय सात जनाको उद्धार गरिसकेको सिसीएमसीले जनाएको छ ।