आधारभूमि संवाददाता
काठमाडौ, असार १६
काठमाडौंमा थप १४ जनामा कोभिड–१९ का सङ्क्रमित थपिएका छन् । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता प्रा डा जागेश्वर गौतमले पछिल्लो २४ घण्टामा विभिन्न प्रयोगशालामा गरिएको परीक्षणमा काठमाडौं उपत्यकामा १४ जनाको पिसिआर पोजेटिभ आएको बताए ।
त्यसमध्ये काठमाडौं जिल्लामा ५ महिला र ७ पुरुष ,ललितपुर र भक्तपुरमा एकरएक जना महिला रहेको प्रवक्ता गौतमले जानकारी दिए ।
थप ६० जना डिस्चार्ज
नेपालमा पछिल्लो २४ घण्टामा ६० जनाले कोरोना जितेका छन् । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले पछिल्लो २४ घण्टामा ९ महिला र ५१ पुरुष गरी कूल ६० जना डिस्चार्ज भएको बताए ।
योसँगै हालसम्म कोरोनामुक्त भई डिस्चार्ज हुनेको कूल सङ्ख्या ३ हजार १९४ पुगेको छ । हालसम्म कोरोनाबाट मृत्यु हुनेको संख्या २९ पुगेको छ।
