आधारभूमि संवाददाता

काठमाडौ, असार १६

पछिल्लो २४ घण्टामा थप ३१६ जनामा कोभिड–१९ का सङ्क्रमित थपिएका छन् । स्वास्थ्य मन्त्रालयका प्रवक्ता प्रा डा जागेश्वर गौतमले देशभरिका विभिन्न प्रयोगशालामा गरिएको परीक्षणका क्रममा आज जम्मा ३१६ जनाको पिसिआर पोजेटिभ आएको र त्यसमध्ये ७१ महिला र २४५ पुरुष रहेको जानकारी दिए ।

योसँगै हालसम्म १३ हजार ५६४ जनाको पिसिआर पोजेटिभ आएको छ । तीमध्ये १६५७ जना महिला र ११९०७ जना पुरुष रहेको गौतमले जानकारी दिए ।