आधारभूमी संवाददाता
काठमाडौं, असार १५

नेपाली बजारमा आज सुनको मूल्य प्रतितोला रु ९१ हजार ३०० रुपैयाँमा कारोबार भएको छ । नेपाल सुनचाँदी व्यवसायी महासङ्घका अनुसार आज छापावाला सुनको मूल्य प्रतितोला रु ९१ हजार ३०० र तेजाबी सुनको मूल्य प्रतितोला ९० हजार ८६० छ । हिजो पनि सुन यही मूल्यमा कारोबार भएको थियो । महासंघले सुनको मूल्य हालसम्मकै उच्च रहेको जानकारी दिएको छ ।

आज महासङ्घले चाँदीको मूल्य प्रतितोला रु ९४५ निर्धारण गरेको छ । हिजो चाँदीको मूल्य प्रतितोला रु ९४५ रुपैयाँमा कारोबार भएको थियो ।