आधारभूमि संवाददाता

काठमाडौं, असार १४

सुनचाँदीको मूल्य आज फेरि बढेको छ । नेपाल सुनचाँदी महासंघले सुनको मूल्य हालसम्मकै उच्च रहेको जानकारी दिएको छ । महासंघका अनुसार आज एकैदिनमा छापावाल सुन प्रतितोला ७०० रुपैयाँले बढेर ९१ हजार ३०० पुगेको छ । शुक्रबार छापावाल सुन प्रतितोला रु ९० हजार ६०० मा कारोवार भएको थियो ।

त्यसैगरी तेजाबी सुन पनि ७०० ले वृद्धि भएको छ । आज तेजावि सुनको मूल्य प्रतितोला ९० हजार ८६० निर्धारण भएको छ । शुक्रबार तेजाबी सुन प्रतितोला रु ९० हजार १६० मा कारोवार भएको थियो ।

सुनको मूल्य बढेसँगै आज चाँदीको मूल्य पनि ५ रुपैयाँले वृद्धि भएको छ । चाँदी प्रतितोला ९ सय ४५ पुगेको महासंघले जनाएको छ । शुक्रबार चाँदी तोलामा ९४० रुपैयाँमा कारोबार भएको थियो ।