आधारभूमि संवाददाता

काठमाडौं, असार १२

सुनको मूल्यमा आज सामान्य गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ५०० ले घटेको छ ।

स्थानीय बजारमा आज छापावाल सुनको मूल्य प्रतितोला रु ९० हजार ६०० र तेजाबी सुनको मूल्य प्रतितोला रु ९० हजार १६० मा झरेको छ । बिहीबार छापावाला सुनको मूल्य प्रतितोला रु ९१ हजार १०० र तेजाबी सुनको मूल्य प्रतितोला रु ९० हजार ६६५ मा कारोबार भएको थियो ।

आज चाँदीको मूल्य पनि प्रतितोला रु ५ ले बढेको छ । आज महासङ्घले चाँदीको मूल्य प्रतितोला रु ९४० तोकेको छ । बिहीबार चाँदीको मूल्य प्रतितोला रु ९३५ मा कारोबार भएको थियो ।