आधारभूमि संवाददाता
काठमाडौ, असार ११
काठमाडौंमा थप ९ जनामा कोभिड–१९ का सङ्क्रमित थपिएका छन् । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता प्रा डा जागेश्वर गौतमले पछिल्लो २४ घण्टामा काठमाडौं उपत्यकामा जम्मा ९ जनाको पिसिआर पोजेटिभ आएको र त्यसमध्ये ३ महिला र ६ पुरुष रहेको बताए ।
प्रवक्ता अनुसार काठमाडौंबाट २ महिला, २ पुरुष, भक्तपुरबाट १ महिला, ३ पुरुष र ललितपुरबाट १ जना पुरुष थपिएका छन् ।
