आधारभूमि संवाददाता
काठमाडौ, असार ११
नेपालमा पछिल्लो २४ घण्टामा ३१२ जनाले कोरोना जितेका छन् । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले विभिन्न अस्पतालबाट ३१२ जना डिस्चार्ज भएको बताए । डिस्चार्ज हुनेमा २९३ जना पुरुष र १९ जना महिला रहेको गौतमले बताए ।
योसहित नेपालमा डिस्चार्ज हुनेको सङ्ख्या २६५० पुगेको छ । जसमा महिला २१६ र पुरुष २४३४ जना रहेका छन् । प्रवक्ता अनुसार हालसम्म रसुवाबाहेक सबै जिल्लामा कोरोना संक्रमण देखिएको छ भने हालसम्म २६ जनाले ज्यान गुमाएका छन्।
