आधारभूमि संवाददाता
ललितपुर, ११ असार

कोरोना भाइरसका कारण ललितपुरमा थप एक जनाको मृत्यु भएको छ । पाटन अस्पतालमा उपचाररत ५० वर्षीय पुरुषको विहीबार बिहान ७ बजेतिर मृत्यु भएको अस्पतालले जनाएको छ ।

चितवन घर भई ललितपुरको महालक्ष्मी न.पा ५ टीकाथली डेरा गरि बस्दै आएका उनको पाँच महिना अगाडि मिर्गौला प्रत्यारोपण गरिएको थियो । असार ४ गते कोरोना संक्रमणको पुष्टी भएपछि पाटन अस्पतालको आइसोलेसन सेन्टरमा उनको उपचार हुँदै आएको थियो । योसँगै कोरोना भाइरसका कारण मृत्यु हुनेको संख्या २६ पुगेको छ ।