आधारभूमि संवाददाता

काठमाडौं, असार ९

सुनको मूल्यमा आज सामान्य गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ४०० ले घटेको छ ।

स्थानीय बजारमा आज छापावाल सुनको मूल्य प्रतितोला रु ९० हजार ६०० र तेजाबी सुनको मूल्य प्रतितोला रु ९० हजार १६० मा झरेको छ । सोमबार छापावाला सुनको मूल्य प्रतितोला रु ९१ हजार र तेजाबी सुनको मूल्य प्रतितोला रु ९० हजार ५६५ मा कारोबार भएको थियो ।

आज चाँदीको मूल्य पनि प्रतितोला रु १० ले घटेको छ । आज महासङ्घले चाँदीको मूल्य प्रतितोला रु ९४० तोकेको छ । सोमबार चाँदीको मूल्य प्रतितोला रु ९५० मा कारोबार भएको थियो ।