आधारभूमि संवाददाता
काठमाडौ, असार ८
पछिल्लो २४ घण्टामा थप ५३५ जनामा कोरोना भाइरसको संक्रमण पुष्टि भएको छ । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले विभिन्न प्रयोगशालमा गरिएको परीक्षणमा ५३५ जनामा सङ्क्रमण देखिएको बताए । तीमध्ये ४६१ जना पुरुष र ७४ जना महिला रहेका छन् ।
योसँगै संक्रमितको कूल संख्या ९५६१ पुगेको छ भने सङ्क्रमणबाट निको भइ २१४२ जना घर फर्किसकेका छन् । पछिल्लो २४ घण्टामा ३३८ जना पुरुष र ३२ जना महिला गरि ३७० जना कोरोनामुक्त भएका छन् । प्रवक्ताका अनुसार नेपालको रसुवा बाहेक सबै जिल्लामा कोरोना संक्रमित भेटिएका छन् भने नेपालमा हालसम्म २३ जनाले ज्यान गुमाएका छन्।
