काठमाडौं, असार ७

सुनचाँदीको मूल्य आज ह्वात्तै बढेको छ । नेपाल सुनचाँदी महासंघले सुनको मूल्य हालसम्मकै उच्च रहेको जानकारी दिएको छ । महासंघका अनुसार आज एकैदिनमा छापावाल सुन प्रतितोला ७०० रुपैयाँले बढेर ९० हजार ६०० पुगेको छ ।

त्यसैगरी, तेजाबी सुन प्रतितोला रु ९० हजार १६० मा कारोवार भइरहेको छ । शुक्रबार तेजाबी सुन प्रतितोला रु ८९ हजार ४६० मा कारोवार भएको थियो ।

आज चाँदीको मूल्य प्रतितोला रु १० ले बढेको छ । आज महासङ्घले चाँदीको मूल्य प्रतितोला रु ९४० निर्धारण गरेको छ । शुक्रबार चाँदी तोलामा ९३० रुपैयाँमा कारोबार भएको थियो ।