आधारभूमि संवाददाता

काठमाडौ, असार ६

नेपालमा पछिल्लो २४ घण्टामा १७६ जनाले कोरोना जितेका छन् । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले विभिन्न अस्पतालबाट १७६ जना डिस्चार्ज भएको बताए । डिस्चार्ज हुनेमा १५८ जना पुरुष र १८ जना महिला रहेको गौतमले बताए ।

योसहित नेपालमा डिस्चार्ज हुनेको सङ्ख्या १५७८  पुगेको छ । जसमा महिला १४१ र पुरुष १४३७ जना रहेका छन् ।  प्रवक्ता अनुसार हालसम्म देशका ७४ जिल्लामा कोरोना भाइरसको सङ्क्रमण फैलिएको छ भने बितेका २४ घण्टामा कसैको पनि मृत्यु भयको छैन ।