काठमाडौं, असार ५

स्थानीय बजारमा सुनको मूल्य प्रतितोलामा ९० हजार नजिक पुगेको छ । नेपाल सुनचाँदी महासंघले सुनको मूल्य हालसम्मकै उच्च रहेको जानकारी दिएको छ । महासंघका अनुसार आज छापावाल सुन प्रतितोला १०० रुपैयाँले बढेर ८९ हजार ९०० पुगेको छ ।

त्यसैगरी, तेजाबी सुन प्रतितोला रु ८९ हजार ४६० मा कारोवार भइरहेको छ । बिहीबार तेजाबी सुन प्रतितोला रु ८९ हजार ३६५ मा कारोवार भएको थियो ।

आज चाँदीको मूल्य प्रतितोला रु ५ ले घटेको छ । आज महासङ्घले चाँदीको मूल्य प्रतितोला रु ९३० निर्धारण गरेको छ । बिहीबार चाँदी तोलामा ९३५ रुपैयाँमा कारोबार भएको थियो ।