आधारभूमि संवाददाता

काठमाडौं, असार १

सुनको मूल्यमा आज सामान्य वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु १०० ले वृद्धि भएको छ ।

आइतबार तोलामा रु ८९ हजार ६०० मा कारोबार भएको सुनको मूल्य आज प्रतितोला रु १०० बढेर रु ८९ हजार ७०० रुपैयाँमा कारोबार भएको छ र तेजाबी सुनको मूल्य प्रतितोला रु ८९ हजार २६५ तोकेको छ । आइतबार तेजाबी सुन प्रतितोला रु ८९ हजार १६५ मा खरिद बिक्री भएको थियो ।

आज चाँदीको मूल्य प्रतितोला रु १० ले घटेको छ । आज महासङ्घले चाँदीको मूल्य प्रतितोला रु ९२५ तोकेको छ । आइतबार चाँदी तोलामा ९३५ रुपैयाँमा कारोबार भएको थियो ।