आधारभूमि संवाददाता

काठमाडौँ, ३० जेठ

नेपालमा आज १६ जनाले कोरोना जितेका छन् । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले विभिन्न अस्पतालबाट १६ जना डिस्चार्ज भएको बताए । डिस्चार्ज हुनेमा १२ जना पुरुष र ४ जना महिला रहेको गौतमले बताए ।

योसँगै नेपालमा ८७७ जनाले कोभिड–१९ लाई जितेका छन् । तीमध्ये ७८६ पुरुष र ९१ महिला छन् । बिहीबार मात्रै १८७ जनाले कोरोना जितेर घर गएका छन् । त्यस्तै मृत्यु हुनेको सङ्ख्या १६  जना छ ।