काठमाडौ, जेठ २९
कोरोना भाईरस (कोभिड १९) को महामारीका कारण बिदेशमा समस्यामा परेको नेपालीहरुलाई ल्याउने क्रम जारी रहेको छ । मन्त्रिपरिषद्को यही जेठ १२ गतेको निर्णय अनुसार कोभिड १९ विश्वव्यापी संक्रमणको कारणबाट उत्पन्न असहज परिस्थितिका कारण विदेशमा अलपत्र परेका र स्वदेश आउनु पर्ने अवस्थामा रहेका नेपाली नागरिकहरुलाई सुरक्षित साथ स्वदेश ल्याउने, क्वारेन्टाईनमा राख्ने र स्वास्थ्य परीक्षण एवं स्वास्थ्य सुरक्षा सम्बन्धी मापदण्ड पालना गराई ब्यवस्थापन गर्ने सिलसिलामा आज बिहिबारको कुवेतको जजिरा एयरवेजको फ्लाईट नं.जे ९१५४ को पहिलो उडानबाट (नं.१ प्रदेशका ३८ जना, नं.२ प्रदेश ६ जना, बागमति प्रदेशका ५९ जना, गण्डकी प्रदेशका १३ जना, नं.छ प्रदेश २८ जना र कर्णाली प्रदेशका ५ जना र सुदूरपश्चिम प्रदेशका १ जना) जम्मा १५० जना तथा आजकै दुई बजे सोही मुलुकको जजिरा एयरवेजको फ्लाईट नं. जे ९१५४३ को दोश्रो उडानबाट (नं.१ प्रदेशका ५४ जना, नं.२ प्रदेश ४ जना, बागमति प्रदेशका ४४ जना, गण्डकी प्रदेशका १३ जना, नं.छ प्रदेश २३ जना र कर्णाली प्रदेश प्रदेशका १० जना र सुदूरपश्चिम प्रदेशका १ जना) जम्मा १४९ जना गरी कुल जम्मा २९९ नेपाली नागरिकहरुको स्वदेश आगमन भएको सिसिएमसीले जनाएको छ ।
स्वदेश आगमन भएका नागरिकहरुलाई प्रदेशगत रुपमा नं. १ प्रदेशका ९२ जना, नं. २ प्रदेशका १० जनालाई क्रमशस् भक्तपुर स्थित इम्पेरियल व्याङकेट र हेरिटेज पार्टी प्यालेस होल्डिड सेन्टरमा, बागमती प्रदेशका १०३ जना, गण्डकी प्रदेशका २६ जना र नं.५ प्रदेशका ५१ जनालाई क्रमश काठमाण्डौ स्थित यति पार्टी प्यालेस, स्काइजोन पार्टी प्यालेस र कुण्डलिनी व्याङकेट होल्डिड सेन्टरमा तथा कर्णाली प्रदेशका १५ जना र सुदूरपश्चिम प्रदेशका २ जनालाई क्रमश ललितपुर स्थित मण्डला पार्टी प्यालेस र सिद्धार्थ पार्टी प्यालेस होल्डिड सेन्टरमा नेपाली सेनाको व्यवस्थापनमा सुरक्षित एवं व्यवस्थित ढंगले लगिएको छ ।
उक्त होल्डिड सेन्टरमा निजहरु सबैको व्यक्तिगत विवरण संकलन, स्वास्थ्य परीक्षण लगायतका प्रकृया पुरा गरी सम्बन्धित प्रदेशहरुको समन्वयमा आ आफ्नो प्रदेशमा पठाउन आवश्यक तयारी भईरहेको सिसिएमसीले जनाएको छ ।