आधारभूमि संवाददाता
काठमाडौँ, २९ जेठ
सरकारले जारी लकडाउनलाई खुकुलो बनाउँदै मोटरसाइकल र साइकल चलाउन दिने निर्णय गरेको छ ।
बिहीबारको मन्त्रिपरिषद् बैठकका निर्णय सार्वजनिक गर्दै सरकारका प्रवक्ता तथा सञ्चार र अर्थमन्त्री डा. युवराज खतिवडाले मोटरसाइकल चलाउन दिने तर एक जना भन्दा चढ्न नपाइने जानकारी दिए ।
त्यस्तै रेस्टुरेन्टको क्षेत्रमा प्याकिङको माध्यमबाट सेवा लिन सकिने भएको छ । होटल तथा नाइट क्लबहरु भने खुल्ने छैन ।
