कैलाली, जेठ २७
कैलाली जिल्लाको टिकापुर नगरपालिका ७ कालकुण्ठा स्थित सीमा ईलाकाबाट जेठ २७ गते एपीएफ टोलीले करीव एक लाख रुपैयाँ बराबरको सुर्तीजन्य पदार्थसहित दुई जनालाई पक्राउ गरेको छ ।
पक्राउ पर्नेहरुमा सोही नगरपालिका ९ बस्ने ४४ वर्षिय लालबहादुर दहित र ३० वर्षिय दिनेश डगौरा थारु छन् । भारतबाट अवैध रुपले नेपालतर्फ ल्याउँदै गरेको उल्लेखित मुल्य बराबरको दुई सय ५० प्याकेट सुर्तीजन्य पदार्थसहित उनीहरुलाई सशस्त्र प्रहरी बल, नेपाल बोर्डर आउट पोष्ट खक्रौलाबाट खटिएको एपीएफ टोलीले पक्राउ गरेको हो ।
एपीएफ टोलीले पक्राउ परेकाहरुलाई बरामद सुर्तीजन्य पदार्थसहित आवश्यक कारवाहीको लागि भन्सार कार्यालय खक्रौलामा बुझाएको छ ।
