आधारभूमि संवाददाता
काठमाडौँ, २६ जेठ
नेपालमा आज २१ जनाले कोरोना जितेका छन् । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले २१ जना डिस्चार्ज भएको बताए । डिस्चार्ज हुनेमा बाँकेको खजुरास्थित सुशील कोइराला प्रखर क्यान्सर अस्पतालबाट २० जना पुरुष र कोभिड–१९ युनिफाइड अस्पतालबाट एक जना २३ वर्षकी महिला रहेको गौतमले बताए ।
योसँगै नेपालमा ४८८ जनाले कोभिड–१९ लाई जितेका छन् ।
