बाग्लुङ, जेठ १६

दुई जना किशोरीलाई कुटपिट गरी घाइते बनाएको अभियोगमा जैमिनी नगरपालिका-१ सिरुवारी बस्ने ३५ वर्षीय अरबिन थापालाई बिहीबार दिउँसो प्रहरीले पक्राउ गरेको छ ।

मादक पदार्थ सेवन गरी थापाले ती किशोरीहरुलाई कुटपिट गरेको भन्ने खबर प्राप्त हुनासाथ प्रहरी चौकी कुश्मीसेराबाट खटिएको प्रहरीले उनलाई पक्राउ गरेको हो । कुपटिबाट घाइते भएकी १ जना किशोरीलाई स्थानीय कुश्मिसेरा प्राथमिक स्वास्थ्य केन्द्र हुँदै थप उपचारको लागि मणिपाल हस्पिटल पोखरा रिफर गरिएको छ भने अर्की घाइते सोही स्वास्थ्य केन्द्रमा उपचार पश्चात डिस्चार्ज भएकी छिन् । यस सम्बन्धमा प्रहरीले थप अनुसन्धान गरिरहेको जनाएको छ ।