काठमाडौ, जेठ ११
राष्ट्र बैंकले सफा नोट नीति २०७३ लाई संसोधन गरी कार्यान्यवनमा ल्याउन बैक तथा बित्तीय संस्थाहरुलाई निर्देशन दिएको छ । राष्ट्र बैकले अनुुमती प्राप्त सबै किसिमका बैंक तथा बित्तीय संस्थाहरुको नाउँमा परिपत्र जारी गरी उक्त व्यवस्था कार्यान्वयनमा ल्याउन निर्देशन दिएको हो ।
निर्देशन अनुसार बैक तथा बित्तीय संस्थाहरुले आफ्नो संस्थामा प्राप्त हुुन आएका नोटहरुलाई एटिएम लगायतका मेशिनहरुको माध्यमबाट चलनचल्तीमा पठाउन योग्य काउन्टरबाट भुक्तानी गरी चलनचल्तीमा पठाउन योग्य र चलनचल्तीमा पठाउन अयोग्य गरी तीन भागमा बिभाजन गर्नुुपर्न, काउन्टरबाट भुक्तानी गरी चलनचल्तीमा पठाउन योग्य नोटको स्लिपमा भने सेतो रंग प्रयोग गर्न र एटिएम लगायतका मेसिनहरुको माध्यमबाट एटिएम मेसिनमा पठाउन योग्य नोटको प्याकिङमा हरियो रंगको स्लिप र अयोग्य नोटमा रातो रंगको स्लिप प्रयोग गर्न निर्देशन दिएको हो ।
यसरी बर्गिकरण गरी छुुट्याएको स्लिपहरुमा बैंक तथा बित्तीय संस्थाको नाम, शाखा कार्यालयको नाम, छाप, नोट गन्ती गर्ने कर्मचारीको नाम, कर्मचारीको परिचय नम्बर, सही र मिती अनिवार्यरुपमा उल्लेख गर्नुुपर्ने छ । नोटमा स्टिचको प्रयोग गर्न भने नपाउने परिपत्रमा उल्लेख छ ।
