काठमाडौँ, ४ जेठ
नेपालमा थप १० जनामा कोरोना संक्रमण पुष्टी भएको छ । स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीका अनुसार राष्ट्रिय जनस्वास्थ्य प्रयोगशाला टेकुमा गरिएको परीक्षणमा नयाँ १० जनामा कोरोना पुष्टि भएको हो।
संक्रमण हुनेमा रौतहट राजपुर न .पा फरहदवा -९ निवासी १८,३२,३६,३९,३९,४२,४८ वर्षीय पुरूषहरू र रौतहट इशनाथ न .पा – ३,५ निवासी २८,३०,३३ वर्षीय पुरूषहरू रहेको प्रयोगशालाले जनाएको छ । सङ्क्रमितको अवस्था सामान्य रहेको छ र उनीहरू स्वास्थ्यकर्मीका निगरानीमा रहेका छन् ।
यससँगै नेपालमा संक्रमितको संख्या २९१ पुगेको छ भने सङ्क्रमणबाट निको भइ ३६ जना घर फर्किसकेका छन् । नेपालमा शनिबार पहिलोपटक कोभिड–१९ सङ्क्रमणबाट एक जनाको मृत्यु भएको थियो ।
