काठमाडौ, जेठ १
कोभिड १९ क्राईसिस म्यानेजमेन्ट सेन्टर (सिसिएमसी) ले बिभिन्न जिल्लामा स्वास्थ सामाग्री पठाएको छ । कोभिड-१९ को रोकथाम, नियन्त्रण र प्रतिकार्यलाई प्रभावकारी रुपमा कार्यान्वयन गर्ने रणनिति अनुरुप सिसिएमसीको संयोजन र समन्वयमा नेपाल भरी परिक्षणको दायरालाई बढाउने लक्ष्य सहित आज जेठ एक गते प्रदेश नं १, प्रदेश नं २, प्रदेश नं ५, कर्णाली प्रदेश र सुुदुरपश्चिम प्रदेशमा हवाई तथा स्थलमार्गबाट १४ हजार सात सय थान आरडिटी, सात हजार थान भिडिटी तथा पिपिईहरु त्यसतर्फ पठाएको सिसिएमसीले जानकारी दिएको छ ।
स्थानियस्तरका जिल्ला संकट व्यवस्थापन सेन्टरको अगुवाईमा अगुवाईमा सबै निकाय सम्मिलित स्वास्थ्यकर्मीहरुको परिचालन गरी नेपालभरीका १८ वटा प्रयोगशालाहरुमा नमुनाहरु परिक्षणको लागि पठाउने योजना अनुरुप नं.ज्ञ प्रदेश (ईलाम, सुनसरी, झापा, पाँचथर र भोजपुर जिल्ला), नं. २ प्रदेश (सर्लाही, मोहत्तरी, धनुषा, सिराहा, सप्त्तरी, पर्सा, बारा र रौतहट जिल्ला), नं. छ प्रदेश (पाल्पा, नवलपरासी पश्चिम, कपिलवस्तु, बर्दिया, रुपन्देही, रुकुम पूर्व, रोल्पा र बाँके जिल्ला), कर्णाली प्रदेश तथा सुदुरपश्चिम प्रदेश (दार्चुला, बैतडी, डडेलधुरा, कन्चनपुर, कैलाली, बझाङ र बाजुरा जिल्ला) गरी २८ जिल्लामा परिक्षण गर्ने योजना रहेको सिसिएमसीले जानकारी दिएको छ ।
यसैगरी काठमाण्डौं उपत्यका भित्रका संभावित जोखिम क्षेत्रहरु पहिचान गरी कोभिड १९ विरुद्धको प्रतिकार्यलाई थप प्रभावकारी बनाउँदै लैजाने सिसिएमसी को उद्देश्य अनुसार स्थानिय निकायसँगको समन्वय तथा सहकार्यमा आज मिति २०७७ जेष्ठ १ गते काठमाण्डौं महानगरपालिका वडा नं.१३ अन्तर्गत पर्ने कालीमाटी फलफूल तथा तरकारी बजार बिकास समितिको हाता भित्र ब्यवसायी, ब्यवसायीका सहयोगी, ढुवानीमा संलग्न चालक, सामान ढुवानीकर्ता, सरसफाई गर्ने मजदुर तथा बजार सञ्चालन कार्यमा संलग्न अन्य ब्यक्तिहरुलाई केन्द्रित गरी तीन सय जनाको पिसिआर र ७०० जनाको आरडिटी परिक्षण गर्न स्वास्थ्य तथा जनसंख्या मन्त्रालय र नेपाली सेनाको संयुक्त स्वास्थ्यकर्मी टोली परिचालित भईरहेको सिसिएमसीले जनाएको छ ।
आवश्यकता एवं प्राथमिकतालाई मध्यनजर गरी स्थानिय निकायहरुसँग समन्वय गरी काठमाण्डौं उपत्यकाको अन्य स्थानहरुमा समेत परिक्षण गर्ने योजना रहेको केन्द्रले जनाएको छ ।
