काठमाडौ, बैशाख २७
उपप्रधान तथा रक्षामन्त्री ईश्वर पोखरेलले कोरोना भाईरस (कोभिड १९) महामारी रोकथाम, नियन्त्रण र प्रतिकार्यको लागि काठमाण्डौं, छाउनीमा स्थापना गरिएको कोभिड १९ क्राईसिस म्यानेजमेन्ट सेन्टर (सिसिएमसीमा भ्रमण गर्नु भई हालसम्म भए-गरेका काम कारवाहीहरुको वारेमा जानकारी लिएकाछन ।
उक्त भ्रमणको क्रममा माननीय उपप्रधान एवम् रक्षामन्त्री पोखरेललाई कोरोना भाईरस (कोभिड १९) को विश्वव्यापी महामारी र नेपालको हालको अवस्था, सो को रोकथाम, नियन्त्रण र उपचारको ब्यवस्था सम्बन्धमा भएरगरेका काम कारवाहीहरु लगायत सिसिएमसी ओपिएस अन्तरगत रहेका ४ वटै कार्य समूहबाट भएका अन्य मुख्य मुख्य कार्यहरु, भावी रणनीति तथा कार्यनीतिको सम्बन्धमा प्रस्तुतीकरण मार्फत जानकारी गराईएको थियो । प्रस्तुतीकरण पश्चात रक्षामन्त्री पोखरेलले कोरोना भाईरस (कोभिड १९) महामारी रोकथाम, नियन्त्रण र प्रतिकार्यलाई थप प्रभावकारी बनाउँदै परिस्थितिलाई सहज बनाउने कार्यमा सम्बद्ध सबैले मेहनत साथ योगदान पुर्याउन निर्देशन दिएकाछन ।
सोही कार्यक्रममा रक्षामन्त्री पोखरेलले सिसिएमसी ओपिएसको संयोजन र समन्वयमा बिकाश गरिएको कोभिड १९ मोवाईल एपको डाउनलोड गरी विधिवत शुरुवात गरेकाछन । संभावित बिरामीहरुको पहिचान गरी समयमा नै दूरस्वास्थ्य परामर्श लगायत थप उपचारको व्यवस्थालाई सहज बनाउने उद्देश्यले एपको बिकास गरी आजबाट प्रयोगमा ल्याईएको हो । यस एपलाई जो कसैले पनि आफ्नो आफ्नो मोवाईलमा गरी प्रयोग गर्न सक्ने गरी तयार गरिएको छ ।
