काठमाडौँ, १७ वैशाख

बलिउड अभिनेता इरफान खानको निधन भएको छ। खानका प्रवक्ताका अनुसार इरफानको मृत्यु मुम्बइस्थित कोकिलाबेन धिरुभाइ अम्बानी अस्पतालमा उपचारका क्रममा ५४ वर्षको उमेरमा निधन भएको हो । 

उनी २ वर्षदेखि न्युरोएन्डोक्राइन ट्युमरबाट ग्रसित थिए । अचानक स्वास्थ्य अवस्था बिग्रिएपछि खानलाई हिजै अस्पतालको आईसीयूमा भर्ना गरिएको थियो । खानलाई न्युरोएन्डोक्राइन ट्युमर भएको थियो।  सन् २०१८ मा अभिनेता इरफानलाई न्युरोएन्डोक्राइनको ट्युमर भएको पत्ता लागेको थियो । त्यसपछि उनी विदेशमा कैयौँ महिना उपचाररत थिए ।

सन् १९८८ मा एकाडेमी अवार्डमा मनोनयनमा पर्न सफल “सलाम बम्बे” बाट चलचित्र क्षेत्रमा इरफान प्रवेश गर्नु भएको थियो । यो चलचित्र मुम्बईका सडक बालबालिकाको कथामा आधारित थियो ।

इरफान खान मुम्बईमा मात्र सीमित हुनु भएन । उहाँले निकै ख्याती कमाएका “स्लमडग मिलेनियर”, “जुरासिक वल्र्ड”, “दी अमेजिङ स्पाइडर–म्यान” र “लाइफ अफ पाई” जस्ता चलचित्रमा समेत काम गर्नु भएको थियो ।

उहाँले सुप्रसिद्ध चलचित्र निर्देशकहरु मिरा नायर, वेस एन्डरसन र आङ ली सँग पनि काम गर्नु भएको थियो । सन् २०१८ मा इरफानलाई क्यान्सर भएको पत्ता लागेको थियो । त्यसपछि उहाँको उपचार बेलायतमा गरिएको थियो । खानको अल्पायूमै भएको निधनप्रति भारतीय चलचित्र क्षेत्रका व्यक्तित्वहरुले दुःख प्रकट गरेका छन् ।

गत शनिबार मात्र उनकी आमा सइदा बेगमको निधन भएको थियो ।