काठमाडौ, बैशाख १४
विश्वमा उपलब्ध सञ्चार माध्यमहरु मध्येको एक सर्वाधिक ठूलो माध्यम राकुटेन भाइबरले विश्वव्यापी रुपमा उब्जिएको महामारी कोभिड–१९ लाई लक्षित गर्दै यो परिस्थितिमा मानिसहरुलाई आफ्नो परिवारजन, साथीभाइ र सहकर्मीहरुसँग सम्पर्कमा रहिरहने कार्यमा मद्दत गर्न उल्लेख्य संख्यामा नयाँ पहलकदमीहरु र मुख्य विशेषताहरुका साथ आफ्नोे क्षमतामा वृद्धि गरेको छ । हाल विश्व नै स्व–क्वारेन्टाइन तथा घरमा बस्ने नीतिको पालना गर्ने अभ्यास गरिरहेको वर्तमान अवस्थामा भाइबरका नयाँ डिजिटल विशेषताहरुले मानिसहरुलाई एकजुट बनाइरहेको छ र यसले उत्पन्न महासँकट विरुद्ध लड्न सकारात्मक मानसिक व्यवहारको विकास गर्न सघाऊ पु¥याइरहेको छ । विश्वव्यापीरुपमा यो एपको प्रयोगमा आएको उल्लेखनीय वृद्धि यसैको परिणाम हो ।
गएको केही हप्ताहरुमा उपलब्ध समग्र माध्यमहरुमा मानिसहरुको सहभागीता बढेको पाइएको छ । यस अवधिमा सर्वाधिक लोकप्रिय विशेषता अहिले खास गरेर सामूहिक सन्देशहरु र कलहरुसहित सञ्चार माध्यममा देखिएको छ । सामूहिक सन्देशहरु प्रेषित १३४ प्रतिशत ज्यादा छन् र सामूहिक कलहरु प्राप्त गरेको संख्या हेर्दा बितेको २ हप्तामा सरदर भाइबर प्रयोगकर्ताहरुको संख्या ३७० प्रतिशतले बढेको देखिन्छ । यस्तै समुदाय संलग्नताको सालाखाला संख्यामा पनि ७८ प्रतिशतले वृद्धि भएको पाइएको छ । नेपालमा सामूहिक कलहरु यसभन्दा अघिको तुलनामा ४ गुना बढी गरिएको पाइएको छ र समुदाय भ्यूजको संख्यापनि ६६ प्रतिशतले वृद्धि भएको देखिन्छ ।
कोभिड–१९ को महामारी फैलिएदेखि नै भाइबरले आफ्नोे क्षमता बढाएको छ र नयाँ पहलकदमीहरु पनि प्रस्तुत गरेको छ भने अझ धेरै आउने क्रममा नै छन् । एपले अडियो कलमा एकपटकमा सहभागी हुन सक्नेहरुको संख्यामा समेत वृद्धिगरेर ५ बाट २० पु¥याएको छ । यसैगरी सम्बन्धित आधिकारिक निकायहरुसँगको समन्वयमा भाइबरले विभिन्न मुलुकहरुमा विशेष सञ्चार सूचनापनि पेश गरेको छ जहाँ प्रयोगकर्ताहरुले यस महामारीको बारेमा सही र आधिकारिक एवं विश्वासिलो जानकारी प्राप्त गर्न सक्नेछन् । नेपालमा, भाइबरले “एमओएचपि नेपाल कोभिड–१९”नामक भाइबर समुदाय स्वास्थ्य तथा जनसंख्यामन्त्रालयसँग मिलेर प्रस्तुत गरेको छ । यसबाट २६६ हजारभन्दा धेरै यसका सदस्यहरुलाई कोरोना भाइरसको सम्बन्धमा मुल्यवान् एवं प्रमाणित सूचना प्रवाह गर्न सकिएको छ ।
यो भन्दापनि मानिसहरुलाई कोरोना भाइरसका बारेमा भ्रम उत्पन्न नहोस् र सत्य तथ्य जानकारी मिलोस भनेर भाइबरले कोरोना भाइरस सम्बन्धि सही समयको अद्यावधिक गर्न र जानकारी प्रदान गर्न एक आधिकारिक डब्लुएचओ बट पनि प्रस्तुत गरेको छ । “यो चुनौतीपूर्ण समयमा, हामीले साथीभाइहरु र परिवारहरु, विद्यार्थीहरु र शिक्षक शिक्षिकाहरु, कर्मचारीहरु र साझेदारहरुबीच एक अर्कामा निरन्तर सम्पर्क गराइ राख्न समेत आवश्यक पहलहरु चलाइरहेका छौं । हाम्रा प्रयोगकर्ताहरुले हामीमाथि भरोसा गर्नु हुन्छ र हामी वहाँहरुको अनुभवलाई निरन्तर बढाउँदै लग्नेछौं, सँगसँगै मानिसहरुलाई सुरक्षित एवं स्वतन्त्ररुपमा सम्पर्कमा पनि राखि राख्नेछौं ।” राकुटेन भाइबरका सिइओ जमेल अगाउवाले बताएकाछन ।
