काठमाण्डौ ,२६ चैत्र
लकडाउनको कारण खाद्यय पदार्थको समस्या भोगिरहेका एचआइभि संक्रमित तथा प्रभावितहरुलाइ शान्ति फाउण्डेशनले टियर फण्ड नेपाल, फेमिली एण्ड फे्रन्ड परियोजना तथा अन्य ब्यतmीगत सहयोग द्धारा राहत वितरण गरेको छ ।
कामनपा वडा नम्बर ६ का अध्यक्ष दिपेन्द्र लामाको उपस्थितीमा बुधवार कुमारिगालमा जम्मा २२ जनालाइ खाद्यय पदार्थ वितरण गरिएको शान्ति फाउण्डेशनकि अध्यक्ष सन्जमाया तामाङले आधारभूमिलाइ जानकारी दिनु भएको छ । यसैगरी सरकारले कोभिड १९ को जोखिमलाइ न्युनिकरण गर्न घोषणा गरेको लकडाउनको कारणले नियमित रुपमा एआरभि नामक औषधि सेवन गरिरहेका एचआइभि संक्रमितहरुलाइ असर पुगेको तामाङले बताउनु भयो । नेपालमा कुल १७ हजार ९ सय ८७ जना एचआइभि संक्रमितहरुले एआरभी औषधि सेवन गरिरहेका छन । समाजले एचआइभि सक्रमितहरुलाइ कुदृष्टिले हेर्ने भएका कारण संक्रमितहरु एक जिल्लाबाट अर्को जिल्लामा गएर औषधि सेवन गर्न बाध्य भएको एक तथ्यांकले देखाएको छ । यसैक्रममा लकडाउनका कारण एक जिल्लाबाट अर्को जिल्लामा जान नपाइने भएकोले यो समस्या झनै बढेर आएको शान्ति फाउण्डेशनकि अध्यक्ष सन्जमाया तामाङले बताउनु भयो । हाल देश भरि ७८ स्थानका एआरभि सेन्टरबाट एचआइभी संक्रमितहरुले औषधि सेवन गर्दै आइरहेका छन ।
यसैगरी ठूलो सख्यामा औषधि लिने काठमाण्डौ स्थित शुक्रराज ट्रपिकल सेन्टरबाट मात्रै दइ हजार ४ सय ५० ले औषधि लिदै आइरहेका छन । सरकारले निःशुल्क रुपमा प्रदान गर्दै आएको एआरभी औषधि एचआइभी संक्रमितहरुले भाइरसको प्रभाव कम गर्न दैनिक रुपमा सेवन गर्ने गर्छन । लकडाउनका कारण औषधी लिनको लागी घण्टौ हिडन पर्ने र सबैले नसक्ने हुदा शान्ति फाउण्डेशनले संक्रमितहरुको घरमा नै गएर औषधि वितरण गरिरहेको बताएको छ ।
ज्याला मजदुरी काम गदै आएका तथा स्वास्थ्य अवस्था राम्रो नभएका संक्रमितहरुलाई आफनो दैनिकी जिविको पर्जन गर्न गारो भएको हुदा एच.आई.भि संक्रमितहरुको समस्यालाई मध्येनजर गरी राहत वितरण गरिएको थियो । प्रत्येक व्यक्तिलाइ १ बोरा चामल,२ किलो दाल, १ लिटर तेल १ पाकेट नुन त्यसै गरी अन्य अत्यावश्यक खाद्यय पदार्थहरु वितरण गरिएको फाउण्डेशनले जनाएको छ ।
नेपाल सरकारको तथ्यांकमा नेपालमा २९ हजार ९ सय ४४ जना एचआईभी एड्स संक्रमित रहेका छन जस्मा पुरुषको सख्या १७ हजार ७ सय ३२ छ भने महिलाको सख्या १२ हजार २ सय १२ रहेको छ । त्यसैगरी एक हजार २ सय ९६ जना बालबालिकामा पनि एचआइभि सक्रमण रहेको बताइएको छ । नेपालमा दैनिक दुइ जना एचआइभी संक्रमित थपिने गरेको र वर्षमा आठ सँय ९५ जनाको एचआइभि एडसको कारणले ज्यान जाने गरेको नेपाल सरकारको तथ्यांकमा उल्लेख गरिएको छ । सरकारले सन २०२० भित्र ९० प्रतिशत संक्रमितहरुको पहिचान गर्ने, ९० प्रतिशत संक्रमितहरुलाइ एआरभीको पहुचमा ल्याइ यसैमा टिकाइ राख्ने लक्ष्य लिएको बताइएको छ ।