काठमाडौ, चैत १९
विश्वव्यापिरूपमा फैलिरहेको कोरोना भाइरस (कोभिड १९) का कारण खुल्लारूपमा रक्तदान कार्यक्रम संचालन गर्न नमिल्ने भएको कारण उपचारको क्रममा रगत आवश्यक पर्ने विरामीलाई भैरहेको कठिनाइलाई ध्यानमा राखी ब्लड डोनर्स एशोसिएशन नेपाल (ब्लोदान) ले नेरेसो, रक्तसञ्चार सेवाको प्राविधिक सहयोगमा आकस्मिकरूपमा रक्तदाता रहेको स्थानमा गई रक्त संकलन कार्य शुरु गरेको छ । यहि मिति २०७६ चैत्र १४ गतेबाट शुरु भएको सो संकलनबाट केही युनिट रगत संकलन भएको छ ।
जसअनुुसार २०७६/१२/१४ गते भक्तपुर रक्तसञ्चार सेवाको प्राविधिक सहयोगमा कीर्तिपुरमा ११ युनिट, २०७६/१२/१५ गते भक्तपुर रक्तसञ्चार सेवाको प्राविधिक सहयोगमा लाजिम्पाट ३ र सो¥हखुट्टेमा २२ गरी २५ युनिट, २०७६/१२/१५ गते केन्द्रीय रक्तसञ्चार सेवाको प्राविधिक सहयोगमा लगनखेलमा १२, सातदोबाटोमा ७ र पुल्चोकमा १ गरी २० युनिट, २०७६/१२/१६ गते भक्तपुर रक्तसञ्चार सेवाको प्राविधिक सहयोगमा कोटेश्वरमा २८ युनिट र केन्द्रीय रक्तसञ्चार सेवाको प्राविधिक सहयोगमा कीर्तिपुरमा ३४ युनिट गरी ५९ युनिट, २०७६/१२/१७ गते भक्तपुर रक्तसञ्चार सेवाको प्राविधिक सहयोगमा ठमेलमा ६ युनिट, पद्मा कोलोनी, सितापाइलामा २३ युनिट, लाजिम्पाटमा ४ युनिट, डल्लु, चागलमा १५ युनिट रगत संकलन भएको छ भने केन्द्रीय रक्तसञ्चार सेवाको प्राविधिक सहयोगमा ललितपुरको हरिसिद्धिमा ९ युनिट रगत संकलन भएको जनाएको छ ।
त्यस्तै २०७६/१२/१८ गते लायन्स क्लब अफ काठमाडौं इन्द्रायणी खसिबुँको आयोजनामा भक्तपुर रक्तसञ्चार सेवाको प्राविधिक सहयोगमा काठमाडौं, खुसिबुँमा ३५ र ढल्कुमा ११ गरी ४६ युनिट, ललितपुर, हरिसिद्धिमा १२ र बालकुमारीमा १४ गरी २६ युनिट रगत संकलन भएको जनाएको छ ।
त्यस्तै १८ गते नै कमलाक्षी युवा समुहको आयोजनामा केन्द्रीय रक्तसञ्चार सेवाको प्राविधिक सहयोगमा भएको कार्यक्रममा ३५ युनिट रगत संकलन भएको छ ।यस कार्यबाट रगत आवश्यक पर्ने विरामीको लागि केहि मात्रामा भएपनि रगत व्यवस्थापन गर्न सहज हुने विश्वासका साथ यस कार्यमा सहयोग पु¥याउनु हुने सम्पूर्ण रक्तदाता महानुभावहरू, रक्त सकंलन टोली एवं अन्य सहयोगी महानुभावहरूमा ब्लोदान परिवार हार्दिक धन्यवाद सहित आभार प्रकट गर्दछ । साथै रक्तदान गर्न योग्य महानुभावहरूलाई पनि निम्न उल्लेखित व्यक्तिहरूलाई सम्पर्क गर्नुहुन अनुरोध गरिएको छ ।
सम्पर्कको लागि नाम र नम्बरहरू :
अनिलरत्न तुलाधर, काठमाडौ – ९८५१०२६६४०
ज्ञानुराजा महर्जन, कीर्तिपुर – ९८५१०२३४१३
रूकेश रन्जित, भक्तपुर – ९८४१३३४४७०
केशब महर्जन, ललितपुर – ९८५१०७००७८
साधुराम महर्जन, ललितपुर – ९८५१०८५८१२
मदन श्रेष्ठ, गोदावरी, ललितपुर – ९८५१०००२१९
त्यस्तै कम्तिमा ३ हप्ता अगाडि विदेशबाट आउनु भएका महानुभावहरूले रक्तदान नगर्नुहुन पनि अनुरोध गरिएको छ ।
