आधारभूमी संवाददाता

काठमाडौ, चैत ९

सुनको मूल्यमा आज सामान्य वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु १००० ले वृद्धि भएको छ ।

शुक्रबार तोलामा रु ७५ हजार ५०० मा कारोबार भएको सुनको मूल्य आज प्रतितोला रु १००० बढेर रु ७६ हजार ५०० रुपैयाँमा कारोबार भएको छ र तेजाबी सुनको मूल्य प्रतितोला रु ७६ हजार २०० तोकेको छ । शुक्रबार तेजाबी सुन प्रतितोला रु ७५ हजार २०० मा खरिद बिक्री भएको थियो ।

आज चाँदीको मूल्य पनि प्रतितोला रु २० ले वृद्धि भएको छ । आज महासङ्घले चाँदीको मूल्य प्रतितोला रु ७२० तोकेको छ । शुक्रबार चाँदी प्रतितोला रु ७०० मा कारोबार भएको थियो ।