आधारभूमी संवाददाता

काठमाडौ, चैत ७

सुनको मूल्यमा आज सामान्य वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ५०० ले वृद्धि भएको छ ।

बिहीबार तोलामा रु ७५ हजार कारोबार भएको सुनको मूल्य आज प्रतितोला रु ५०० बढेर रु ७५ हजार ५०० रुपैयाँमा कारोबार भएको छ र तेजाबी सुनको मूल्य प्रतितोला रु ७५ हजार २०० तोकेको छ । बिहीबार तेजाबी सुन प्रतितोला रु ७४ हजार ७०० मा खरिद बिक्री भएको थियो ।

आज चाँदीको मूल्य पनि प्रतितोला रु २० ले वृद्धि भएको छ । आज महासङ्घले चाँदीको मूल्य प्रतितोला रु ७०० तोकेको छ । बिहीबार चाँदी प्रतितोला रु ६८० मा कारोबार भएको थियो ।