काठमाडौ, फागुुन १८
सिटिजन लाइफ इन्स्योरेन्स कम्पनीले यही फागुुन १० गते बसून्धारा बैंक्वेट काठमाडौंमा आर्ट अफ सक्सेस” कार्यक्रम भव्यताका साथ सम्पन्न गरेको छ । सिटिजन लिडरहरुको क्षमता अभिबृद्धि गर्ने, उत्प्रेरणा जगाउने तथा ग्राहकहरु माझ सेवालाई स्तरिय बनाउने उदेश्यले सो कार्यक्रमको आयोजना गरिएको थियो । उक्त कार्यक्रममा चार सय भन्दा बढी सक्रिय सिटिजन लिडरहरुको उपस्थिति रहेको थियो ।
कम्पनीका प्रमूख व्यवसाय अधिकृत भूषण रिमालले सिटिजन लाइफ इन्स्योरेन्स कम्पनीसंग आवद्ध काठमाडौ उपत्यका भित्रका सिटिजन लिडर र कर्मचारीहरुलाई स्वागत गर्दै कार्यक्रमको शूभारम्भ गरेका थिए । उक्त कार्यक्रममा सिटिजन लाइफ इन्स्योरेन्स कम्पनीका प्रमूख कार्यकारी अधिकृत पोषक राज पौडेल र प्रमूख बजार व्यवस्थापन अधिकृत कवि फूयाँलबाट पानसमा बत्ती बालेर समुुद्धघाटन भएको थियो ।
कार्यक्रममा प्रशिक्षक डा. मदनराज बिष्टले भावनात्मक मानव सम्बन्ध, अन्तर मनद्वारा योजनाको नेतृत्व, लिडर र म्यानेजरमा हूनेपर्ने गूणाहरुबारे प्रकाश पारेका थिए । व्यक्तिगत तथा व्यवसायिक रुपमा लाभमय क्रियाकलापको कारण लिडरहरुको बेजोड संलग्नता रहेको थियो । पांच घण्टाको कार्यक्रम अत्याधिक ज्ञानबर्धक, मनोरञ्जनात्मक तथा प्रभावकारी रहेको थियो ।
समापनको अवसरमा सिटिजन लाइफ इन्स्योरेन्स कम्पनीका प्रमूख कार्यकारी अधिकृत पोषक राज पौडेलले कार्यक्रम भव्यताका साथ सम्पन्न भएकोमा धन्यवाद ज्ञापन गर्दै एजेन्सीको विकासको बारेमा प्रकाश पारेका थिए । उनले आगामी दिनहरुमा बीमामा आबद्ध भई उच्च सम्मान र उर्जाका साथ काम गर्नका लागि लिडरहरुलाई प्रेरित गरे ।
