आधारभूमी संवाददाता
काठमाडौं, फागुन १८
सेयरबजारमा गत हप्ता ऐतिहासिक साढे ४ अर्बको कारोबार भयो । अहिले बजारमा सेयर किन्नेहरु बढेका छन् , जसका कारण नै सेयबजार परिसुचक उकालो लागेको हो ।
बैंकहरुले निक्षेपमा दिने ब्याज घटाएपछि त्यसको असर सेयबजारमा परेको हो । किनकी अहिले बैंकले निक्षेपमा दिने ब्याज घटाएका छन् । कर्जाको मागम सुस्त आएपछि बैंकहरुले निक्षेपमा दिेन ब्याज घटाउन थालेका हुन् । जसका कारण सेयर बजार अझै बढ्ने संकेत देखिएको छ ।
किनकी सेयरबजार र बैकको ब्याजको सम्वन्ध उल्टो हुन्छ । बैंकको ब्याज महंगीदा सेयरबजारका लगानीकर्ता बैंकमै आउँछन् भने ब्याज सस्तीए सेयरबजार । अहिले नबिल, नेपाल इन्भेष्टमेन्ट र हिमालयन बैंकले निक्षेपमा दिने ब्याज ५ प्रतिशतमा झारेका छन् । सुरुवातमा स्ट्यान्डर्ड चार्टर्ड बैंक ब्याज घटाएर ५ प्रतिशतमा झारेको थियो।
साथै नेपाल एसबीआइ बैंकले ५ प्रतिशतमा झारेको छ । नबिलले ५.७५ प्रतिशतबाट ५.२५ प्रतिशतमा झारेको छ । एभरेष्ट बैंकले पनि साढे ५ प्रतिशतमा बचतको ब्याज झारेको छ । सनराइज बैंकले पनि ब्याज ६ प्रतिशतमा झारेको छ ।
ब्याजदर बढाएर निक्षेप तानातान हुन लागेपछि बैंकहरुले भद्र सहमति गरेका थिए जसमा बढीमा साढे ६ प्रतिशतसम्म ब्याज दिने उल्लेख छ । त्यसअनुसार २७ वटै वाणिज्य बैंकले बचतको ब्याज साढे ६ प्रतिशतमा सिमित गरेका थिए । तर, अहिले आम्दानी कम हुने देखेपछि केहिले ब्याज नै घटाउन लागका छन् । अब विस्तारै निक्षेपको ब्याज ५ प्रतिशतमा सबै बैंकले झार्ने देखिन्छ ।
बैंकको ब्याज घट्ने देखेका कारण नै लगानीकर्ता सेयरबजारमा ओइरिएका छन् । जसक कारण सातामा नेप्से परिसूचक १९७.६० अंकले बढेको छ । बजार गत साताको आइतबार नेप्से झन्डै७० अंकले बढ्यो। ‘बुलिस ट्रेन्ड’ देखिएको बजारमा नेप्से ६९.५६ ले वृद्धि भएर एक हजार ५०४.१४ मा पुगेको थियो । लामो समयपछि बजारमा आइतबार ‘सर्किट ब्रेक’समेत लगाउनुपरेको थियो ।
लगानीकर्ता ओइरिएर सेयरको माग उच्च भएपछि नेप्सेमा चर्को दबाब पर्न गएको थियो ।
साताको अन्तिम दिन नेप्से ३६.०५ अंकले बढेर एक हजार ६३२.१७ मा पुगेर रोकियो। नेप्सेमा भारी वृद्धि हुँदा कारोबार रकम झन्डै साढे चार अर्ब पुगेको थियो । तिब्र रुपमा बढेको सेयरबजार परिसुचक अब कर्जाको माग नहुने हो र बैंकको निक्षेपको ब्याज रिटर्न नबढ्दा सम्म बजार निरन्तर नै बढ्ने देखिन्छ ।
