धादिङ, १७ फागुन
बिष्फोटक पदार्थ तथा संगठित अपराध मुद्दाका फरार प्रतिवादी गल्छी गाउँपालिका-३ छाङ्गेटार बस्ने ईच्छुक भन्ने ३५ वर्षीय त्रिचन्द्र देवकोटालाई शुक्रबार प्रहरीले पक्राउ गरेको छ ।
देवकोटा २०७६ असार १० गते सिद्धलेक गाउँपालिका-६ स्थित कालुपाण्डे राजमार्गमा तरकारी राख्ने क्रेटमा बम राखी स्थानीय मानिसहरुलाई तथा राजमार्गमा संचालन हुने सवारी चालकलाई समेत आतंकित बनाउने, २०७५ फागुन ११ गते थाक्रे गाउँपालिका-११ मान्खुस्थित एनसिएल टावरमा आगजानी र २०७५ माघ २५ गते सिद्धलेक गाउँपालिका-१ बैरेनीस्थित कालुपाण्डे राजमार्गमा प्रेशरकुकर बम राखी राजमार्ग सडक अवरोध गरी स्थानीय मानिसहरुलाई आतंकित बनाउने कार्यमा संलग्न रहेको अनुसन्धानबाट खुल्न आएको जिल्ला प्रहरी कार्यालय धादिङले जनाएको छ ।
यस सम्बन्धमा प्रहरीले थप अनुसन्धान गरिरहेको छ ।
