ललितपुर, १६ फागुन
धारिलो हतियार छुरा प्रहार गरी घाइते बनाएको अभियोगमा ललितपुर महानगरपालिका-५ लगनखेल बस्ने दोलखा घर भएका ३० वर्षीय बिकास आचार्यलाई बिहीबार दिउँसो प्रहरीले पक्राउ गरेको छ ।
सामान्य बिबादमा उनले ललितपुर महानगरपालिका-५ लगनखेल बस्ने दोलखा घर भएका २४ वर्षीय सन्तोष खातीलाई छुरा प्रहार गर्दा घाइते भएको भन्ने खबर प्राप्त हुनासाथ महानगरीय प्रहरी प्रभाग लगनखेलबाट खटिएको प्रहरीले उनलाई पक्राउ गरेको हो । घाइते सन्तोष खातीको पाटन अस्पतालमा उपचार भइरहेको छ ।
यस सम्बन्धमा प्रहरीले आवश्यक अनुसन्धान गरिरहेको छ ।
