काठमाडौ, फागुुन १०
आर्किटेक्चरको सही प्रयोगको लागि डिजाइनमा अवधारणा विकास अत्यावस्यक हुन्छ, शैक्षिक संस्था‚ उद्योग र पत्रकारिताको सहकार्य भएमा मात्र यस विषयको सिप विद्यार्थीहरूमा विकसित हुन्छ भन्ने आधारभुत मान्यताकासाथ नेपाल इन्जिनियरिङ कलेज (नेक) चाँगुनारायण भक्तपुरमा एकदिने कार्यशाला सम्पन्न भएको छ ।
प्रारम्भमा कलेजका प्राचार्य प्रा.डा. हरिकृष्ण श्रेष्ठले कार्यशालाको महत्ववारे प्रकास पार्नुभएको थियो भने सहायक प्राध्यापक इ. मोहनध्वज के.सी.ले स्वागत मन्तव्य दिनुभएको थियो । कलेजको आर्किटेक्चर विभागका प्रमुख आ. न्हसला सायमीले तेस्रो वर्षका विद्यार्थीहरूलाई कार्यशालाको अभिमुखिकरण गर्नुभएको थियो ।
ए फर आर्किटेक्चर(एएफए) नामक संस्थाका संस्थापक आ. प्रजल प्रधान कार्यशालाको प्रमुख स्रोतव्यक्ति हुनुहुन्थ्यो । प्रजल प्रधानले विद्यार्थीहरूलाई सिप सिकाउनुभएपछि ती विद्यार्थीहरूले एउटा प्राथमिक विद्यालयको डिजाइन तयार पारेका थिए । आर्किटेक्चर सम्वन्धी पत्रिका स्पेसकातर्फबाट अनु राजवंशीले कार्यशालाको अनुगमन तथा रेकर्डिङ गर्नुभएको थियो ।
उक्त कार्यशालामा आवस्यकता पहिचान तथा स्थलगत अध्ययन‚ केश स्टडी र अवधारणा विकाससमेत गरी तीन चरणमा सम्पन्न गरिएको थियो । उत्साहित विद्यार्थीहरूले उक्त कार्यशालाबाट आफुहरूले धेरै व्यवहारिक सिप सिकेको प्रतिकृया दिएका थिए । कार्यशालाले शैक्षिक संस्था‚ विषयगत उद्योग तथा पत्रकारिता बीच सहयोग र सद्भावको पनि विकास भएको भाग लिएका सवैले महसुस गरेका थिए ।
