अर्घाखाँची, माघ २७

छिमेकीलाई धारिलो हतियार खुकुरी प्रहरी गरी घाइते बनाएको अभियोगमा सन्धिखर्क नगरपालिका-३ छापडाँडा बस्ने ५९ वर्षीय छन्द बहादुर मुखियालाई आइतबार साँझ प्रहरीले पक्राउ गरेको छ ।

लेनदेनको बिषयलाई लिएर उनले छिमेकी ६६ वर्षीय टान बहादुर थापालाई खुकुरी प्रहार गर्दा घाइते भएको भन्ने खबर प्राप्त हुनासाथ जिल्ला प्रहरी कार्यालय अर्घाखाँचीबाट खटिएको प्रहरीले उनलाई पक्राउ गरेको हो । घाइते थापाको प्रादेशिक अस्पताल बुटवलमा उपचार भइरहेको छ । यस सम्बन्धमा प्रहरीले थप अनुसन्धान गरिरहेको छ ।