मान्म, १८ माघ (रासस)
कालीकोट जिल्लाको रास्कोट नगरपालिकाले घरघरमा खानेपानीको धारा बनाउने अभियान शुरु गरेको छ । नगरपालिकाभित्रका तीन हजार ३०० घरधुरीमा खानेपानीको पहुँच पु¥याउन अभियान शुरु भएको हो ।
नगरभित्र खानेपानी पहुँच पु¥याउनका लागि युनिसेफसँगको साझेदारीमा काम अगाडि बढाइएको छ । धारा बनाउन नगरपालिकाको ६० र युनिसेफको ४० प्रतिशत लगानी रहेको छ । पहिलो चरणमा नगरपालिका २, ६ र ९ वडाका घरमा धारा निर्माण भइरहेको नगरपालिका उपप्रमुख मीमसरा शाही बमले बताउनुभयो । “पहिलो चरणमा तीन वटा वडामा काम भइरहेको छ”, उहाँले भन्नुभयो, “दोस्रो चरणमा सबै वडामा घरघरमा खानेपानीको पहुँच पु¥याउने लक्ष्य राखेका छौँ ।”
पहिलो चरणमा नगरपालिका–२ मा चार लाखमा ४५ घरधुरी, वडा नं ६ मा ११ लाखमा ८१ घरधुरी र वडा नं ९ मा २८ लाख ५० हजारमा १८५ धरधुरीमा खानेपानीको पहुँच पुग्ने उपप्रमुख बमले बताउनुभयो । नौवटै वडामा आगामी आर्थिक वर्षमा नै खानेपानी धारा पु¥याउने लक्ष्य राखेर निर्माणको काम भइरहेको नगर प्रमुख काशीचन्द्र बरालले बताउनुभयो । “ आगामी आर्थिक वर्षभित्र नगरभित्रका सबै वडाका घरधुरीमा खानेपानीका धारा बनाउने छौँ”, उहाँले भन्नुभयो, “नगरभित्रका कुनै पनि घरधुरीे पानीको पहुँच बाहिर हुने छैनन् ।”
खानेपानीका लागि स्थानीयवासी, नगरपालिका र दातृ निकायसँग सहकार्य गर्ने लक्ष्य राखिएको नगर प्रमुख बरालले बताउनुभयो । “सबैको साझेदारीमा काम गर्दा अपनत्वको भावना विकास हुने भएकाले साझेदारीमा काम गर्न थालेका हौँ”, उहाँले भन्नुभयो ।
