काठमाडौ, माघ १५
राष्ट्रिय प्रजातन्त्र पार्टीका अध्यक्ष कमल थापाको अध्यक्षतामा आज बुुधबार पार्टीको केन्द्रीय कार्य सम्पादन समितिको बैठक बसेको छ । बैठकले, अध्यक्ष थापाद्धारा समसामयिक राजनीतिक परिस्थिति र भावीकार्यदिशा सम्बन्धी छ पृष्ठ लामो प्रतिवेदन पेश गरेको छ ।
प्रतिवेदनमाथि सघन छलफल भई सर्वसम्मतीले अनुमोदन गरेको छ । उपरोक्त प्रतिवेदन माघ १७ गतेदेखि काठमाण्डौमा बस्ने केन्द्रीय कार्य समितिको पूर्ण बैठकमा पेश गरिनेछ । बैठकमा महामन्त्री भास्कर भद्रा द्धारा सचिवालय र आगामी कार्यक्रम सम्बन्धी प्रतिवेदन र सहायक कोषाध्यक्ष निना भेटवालद्धारा आर्थिक प्रतिवेदन पेश भएको छ । उक्त प्रतिवेदनहरु पनि केन्द्रीय समितिको बैठकमा पेश हुनेछ ।
केन्द्रीय महाधिबेशन पार्टीको आगामी मुख्य कार्यक्रम हुनेछ । केन्द्रीय महाधिबेशनका लागि यस अधिको बैठकमा जिम्मेवारी प्रदान गरिएका उपाध्यक्ष तोरणबहादुर गुरुङ्गद्धारा बैठकमा पेश भएको साँगठनिक तह निर्वाचन सम्बन्धि नियमावली २०७६, निर्वाचन निर्देशिका २०७६ र निर्वाचन कार्यतालिकालाई सामान्य परिमार्जन सहितअनुमोदन गरिएको छ । जुनमाघ १७ गते बस्ने पूर्ण बैठकमा पेश राप्रपाको प्रचार बिभाग प्रमुख मोहन श्रेष्ठद्धारा हस्ताक्षरित बिज्ञप्तीमा उल्लेख छ ।
