काठमाडौँ, माघ ६
कृषि विकास बैंकले दुई अर्ब ५० करोड रूपैयाँ बराबरको ऋणपत्र निष्काशन गर्ने भएको छ । बैंकले यही माघ १४ गतेबाट एक हजार रुपैयाँ अंकित मूल्य कायम रहने गरी २५ लाख कित्ता ऋणपत्र निष्काशन गर्न लागेको हो ।
बैंकले ‘लिन मात्र होइन दिन पनि जान्छ’ भन्ने नारासहित आगामी सात वर्षको लागि १० दशमलव ३५ प्रतिशत ब्याजदरमा एडीबीएल कृषि बैंक ऋणपत्र २०८३ जारी गर्न लागेको हो । सेयर निष्काशन तथा बिक्री प्रर्वन्धक एनआईबिएल एस क्यापिटल लिमिटेड रहेको बैंकको ऋणपत्रको बिक्री कार्य छिटोमा यही माघ १७ गते र ढिलोमा फागुुन १४ गते बन्द हुुने छ । खरिदकर्ताहरुले न्युुनतम २५ देखि अधिकतम दुुई लाख ५० हजार कित्तासम्मको ऋणपत्र खरिद गर्न सक्ने बैंकले जानकारी दिएको छ ।
अधिकृत पुंजी १८ अर्ब रुपैयाँ रहेको बैंकको जारी पुंजी १४ अर्ब ४४ करोड ८२ लाख ४० हजार नौ सय ७० रुपैयाँ रहेको छ । यसैगरी बैकको चुक्ता पुंजी भने १४ अर्ब ४४ करोड ८२ लाख ४० हजार नौ सय ६० रुपैयाँ पुुगेको छ ।
