काठमाडौं, १७ पुस
बाजुरा,हिमाली गाउँपालिका ७ बाधु कालापडस्थित सडकमा से.१ ज १०६४ नम्बरको जिप सडकबाट करिब ४ सय मिटर तल कर्णाली नदीमा खसेर बिहीबार दिउँसो दुर्घटना हुँदा जिपका चालक जगन्नाथ गाउँपालिका ५ गोत्री बस्ने रमेश शाही समेत ४ जनाको घटनास्थलमै मृत्यु भएको छ । दुर्घटनामा परी घाइते भएका जिपमा सवार ४ जनालाई उपचारका लागि कोल्टी प्राथामिक स्वास्थ्य केन्द्र कोल्टी लगिएको छ भने बेपत्ता भएका १ जनाको प्रहरीले खोजी गरिरहेको छ ।
अछाम,विनायक नगरपालिका ४ पलतास्थित सडकमा भे.१ त ८२९४ नम्बरको ट्रयाक्टर सडकबाट करिब ३ सय मिटर तल खसेर बिहीबार बिहान दुर्घटना हुँदा चालक दैलेख आठबिसनगरपालिका ३ बस्ने ३२ वर्षीय दिनेश बिकको घटनास्थलमै मृत्यु भएको छ । दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।
