काठमाडौ, मंसिर २३
सिद्धार्थ बैंकले साना तथा मझौला व्यवसायलाई लक्षित गर्दै आकर्षक ब्याजदरमा ७५ लाख रुपैयाँसम्मको कर्जा सुविधा सहज रूपमा प्रदान गर्ने उद्देश्यका साथ सरल एसएमई कर्जा योजना सञ्चालनमा ल्याएकोे छ । बंैकले साना तथा मझौला उद्यमीहरुले व्यक्तिगत ऋणदाताहरुबाट उच्च ब्याजदरमा ऋण लिनुको सट्टा बैंकबाटै सहज रूप कर्जा सुविधा प्राप्त गर्न सकुन भन्ने यस कर्जाको मुख्य उद्देश्य रहेको छ ।
सरल एसएमई कर्जा सुविधा साना तथा मझौला व्यवसायीको वित्तीय पहुँचमा वृद्धि गर्नकालागि उल्लेख सहयोग पु¥याउने बैंकको विश्वास रहेको छ । यो कर्जा सुविधा विशेष गरी पर्यटक, कृषि संलग्न तथा महिला उद्यमीहरुका लागि लक्षित गरिएको छ । यस कर्जा योजनाका प्रमुख आकर्षणहरू पुर्व भुक्तानी शुल्क नलाग्ने, चालु पूंजी र स्थायी सम्पत्तीको ८० प्रतिशत सम्म फाइनान्सिङ सुविधा , १० वर्षसम्मको आवधिक कर्जा, निःशुल्क क्रेडिट कार्ड, एसएमस अलर्ट, इन्टरनेट बंैकिङ्ग तथा मासिक खाता विवरणm लकर सुविधामा वार्षिक ५० प्रतिशत छुट लगायतका बिशेषता रहेकाछन ।
साना तथा मझौला व्यवसाय देशको अर्थतन्त्रको मेरूदण्ड भएकोले सिद्धार्थ बैंकले आफूलाई यस क्षेत्रमा अग्रणी भुमिका खेल्नको लागि प्रतिबद्घता स्वरूप यो योजना ल्याएको हो । सिद्धार्थ बैंकले हाल देशभर १७५ वटा शाखा ( चार वटा एक्स्टेन्सन् काउन्टर सहित), १०१ शाखारहित बैंकिङ्ग सेवा, १९४ एटिएम र १,६०० भन्दा बढी पस मेसिन मार्फत् उच्चस्तरिय बैैकिङ्ग सेवा प्रदान गर्दै आएको छ ।
