आधारभूमि संवाददाता
ललितपुर, ३० कात्तिक
कृषि, पर्यटन तथा स्वास्थ्य सेवा क्षेत्रमा लगानी गरौं, स्वस्थ्य रहौं भन्ने मुल नाराका साथ त्रिपुर बहुउद्देश्यीय सहकारी संस्थाले आफ्नो २०औं साधारण सभा सम्पन्न गरेको छ । सभामा नेकपा ललितपुर क्षेत्र नं २ का प्रदेश सभाका सांसद दिपेश महर्जनले यस सहकारी संस्थाले अरु सहकारी जस्तो तडक भडक नगरी सभ्य र भब्य रुपमा साधारण सभा सम्पन्न गरेकोमा खुसी व्यक्त गर्दै संस्थाको प्रगतिको कामना गरे । त्यस्तै अर्का विषेश अतिथी अक्षेश्वर महाविहारका अध्यक्ष राजेश शाक्यले यो सहकारी संस्था अरु भन्दा फरक ढंगले संचालन भएकोमा संस्थाले उल्लेखनिय प्रगति गर्दै जाने विश्वास व्यक्त गरे ।
अर्का अतिथी बुद्धविहारका अध्यक्ष नानीकाजी शाक्यले संचालक र सदस्यले नेपाल सरकारका ऐन, कानून परिधी भित्र रहेर काम गर्न सुझाव दिदैं संस्थाको प्रगतिको कामना गरे । हालसम्म सेयर पुँजी ३८ लाख ३५ हजार रुपैयाँ, निक्षेप, ३ करोड १७ लाख ३४ हजार रुपैयाँ संकलन गरि २ करोड ७६ लाख ६६ हजार रुपैयाँ ऋण लगानी गरेको संस्थाका प्रबन्ध संचालक राजेन्द्र शाक्यले जानकारी दिए । सभाको सभापतित्व गर्दै सरोज डंगोलले सम्पूर्ण सेयर सदस्यहरु र अतिथीहरुलाई शुभकामना व्यक्त गरेका थिए ।
