काठमाडौं, २८ कात्तिक 
अल्का अस्पतालले विश्व मधुमेह दिवसका अवसरका विहिबार निःशुल्क स्वास्थ्य शिविर आयोजना गरेको छ । बिहान साढे ९ बजेबाट सुरु हुने शिविर अपरान्ह ४ बजेसम्म चल्ने अस्पतालले जनाएको छ । अस्पताल र काठमाडौं डाइबेटिज एण्ड थाइराइड सेन्टरको संयुक्त आयोजनामा शिविर हुन लागेको हो ।

शिविरको मुख्य विशेषता भनेको र्याण्डम ब्लड सुगर, एचबिएवान सी, ७ दिनदेखि १० दिन सम्मका लागि निशुल्क औषधि बितरण र  २८ दिनभित्र एक पल्ट निशुल्क फलोअप हो ।   शिविर आयोजना अघि अल्का अस्पतालले सचेतनामुलुक र्याली निकालेको छ । र्र्याली अल्का अस्पतालबाट जावलाखेल चोक हुदै कुमारीपाटी, लगनखेल, मंगलबजार, पुल्चोक हुदै पुन अस्पताल परिसरमा नै आएर टुंगिएको थियो ।

मधुमेह कसरी थाहा पाउने :

• खाना रुचेर पनि तौल घटदै जाने ।
• पिसाव सामान्य भन्दा धेरै पटक लाग्ने ।
• मुख सुख्खा हुने, प्यास धेरै लाग्ने ।
• भोक बढी लाग्ने तर दुव्लाउदै जाने ।
• कमजोरी हुने र खुट्टाहरु झम्झमाउने ।
• खुट्टाहरु पोल्ने ।
• पिसावमा कमिलाहरु देखिने ।
• घाउहरु छिटो निको नहुने ।

कसरी बच्ने :

• हरेक स्वस्थ मानिसले वर्षमा एक पटक मधुमेहको जाँच गराउने । 
• मधुमेह विरामीले खानपान र जीवनशैलीमा गर्नुपर्ने सुधार गर्ने ।
• सामान्य खानपान अपनाउनु राम्रो । क्यालोरी भएको चिज अर्थात भात, मैदा, (आलु, गुलियो चिल्लो फ्याट बढी हुने चिजहरुको कम सेवन गर्नु राम्रो ।
• व्यायम नियमित गर्ने । व्याडमिन्टन लगायतका अन्य खेल खेल्ने । 
• दिनमा कम्तिमा आधा घण्टा हिड्ने ।