काठमाडौं, २५ कात्तिक
पार्किङ् गरी राखेको सवारी साधन तथा घरको सिसा तोडफोड गरेको अभियोगमा २ जनालाई सोमबार बिहान प्रहरीले पक्राउ गरेको छ ।
पक्राउ पर्नेहरुमा बुढानिलकण्ठ नगरपालिका-११ प्रगती चोक बस्ने रामेछाप रामपुर नगरपालिका-५ घर भएका २० वर्षीय प्रकाश तामाङ र सोही ठाउँ बस्ने सुनसरी धरान उपमहानगरपालिका-११ घर भएका २० वर्षीय निमा शेर्पा रहेका छन् ।
काठमाडौं महानगरपालिका-६ सरस्वतीनगरदेखि बुढानिलकण्ठ नगरपालिका-११ कपन पयौंटारसम्म पार्किङ गरी राखेका सवारी साधनहरु र सोही एरियाको घरहरुको शिशा तोडफोड गर्दै गरेको अवस्थामा उनीहरुलाई महानगरीय प्रहरी प्रभाग कपनबाट खटिएको प्रहरीले उनीहरुलाई पक्राउ गरेको हो ।
यस सम्बन्धमा थप अनुसन्धानको लागि उनीहरुलाई महानगरीय प्रहरी वृत्त बौद्ध पठाइएको महानगरीय प्रहरी प्रभाग कपनले जनाएको छ ।
