काठमाडौं, कात्तिक २५
काठमाडौं महानगरपालिका ३२ कोटेश्वुरबाट वन्यजन्तु बाघको दाँत जस्तो देखिने वस्तु ११ थान सहित काठमाडौं गोलढुङगा बस्ने नुवाकोट ककनी गाउँपालिका ४ घर भएका २५ वर्षीय सुमन लामालाई आइतबार साँझ प्रहरीले पक्राउ गरेको छ । महानगरीय प्रहरी प्रभाग कोटेश्वनरबाट खटिएको प्रहरीले बिक्री गर्ने उद्देश्यले लिई हिँडेको अवस्थामा उनलाई उक्त वस्तु सहित फेला पारी पक्राउ गरेको हो । 

यसैगरी काठमाडौं महानगरपालिका १५ हलचोकबाट वन्यजन्तु चितुवाको खप्पड जस्तो देखिने १ थान दाँत सहित नुवाकोट ककनी गाउँपालिका २ घर भएका २३ वर्षीय सत्यम लामालाई आइतबार साँझ प्रहरीले पक्राउ गरेको छ । महानगरीय प्रहरी वृत्त स्वयम्भूबाट खटिएको प्रहरीले उनलाई उक्त चितुवाको दाँत सहित फेला पारी पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको जानकारी दिएको छ ।