काठमाडौं, १५ कात्तिक
सिद्धार्थ बैंकले एकैसाथ चार वटा नयाँ शाखा सञ्चालनमा ल्याएको छ । बैंकले आज काठमाडौं उपत्यका बाहिर एकसाथ चारवटा नयाँ शाखा सञ्चालनमा ल्याएको हो । सप्तरीको कल्याणपुर, नवलपुरको दलदले, बन्दीपुरको डुम्रे र सिराहाको गोलबजारमा शाखा सञ्चालनमा ल्याएको बैंकले जनाएको छ ।
ती शाखा मार्फत बैंकले सर्वसाधारण र व्यवसायीहरूमाझ सबै प्रकारका निक्षेप तथा कर्जा कारोबार सुविधा, रकम भुक्तानी लगायत सम्पूर्ण बैंकिङ्ग सेवा पु¥याउने उद्देश्य लिएको छ । बैंकिङ्ग प्रणालीलाई थप प्रविधिमैत्री बनाउन बैंकले इन्टरनेटको माध्यमबाट आफ्नो रोजाइको बचत खाता खोल्न सकिने सुविधाका साथमा अत्याधुनिक प्रविधियुक्त इन्टरनेट तथा मोबाइल बैंकिङ्ग सेवा प्रदान गर्दे आएको छ ।
बैंकको हालको चुक्ता पूँजी आठ अर्ब ८८ करोड ७६ लाख चार हजार पाँच सय ४० रहेको छ भने २०७६ आश्विन मसान्त सम्ममा बैंकले एक खर्ब २४ अर्ब निक्षेप संकलन र एक खर्ब १३ अर्ब रुपैयाँ कर्जा लगानी गरेको छ ।
उक्त शाखा विस्तार पश्चात् बैंकको कुल शाखा सञ्जाल संख्या एक सय ७१ (चार वटा एक्स्टेन्सन् काउन्टर सहित) पुगेको छ । यसका साथै बैंकले एक सय एक वटा शाखारहित बैंकिङ्ग सेवा, एक सय ८७ वटा एटिएम काउन्टर र १६ सय भन्द्या बढी पस मेसिन मार्फत उच्चस्तरिय बैंकिङ्ग सेवा प्रदान गर्दै आएको छ । निक्षेपकर्ता तथा ग्राहकलाई प्रदान गरिने सेवालाई थप गुणस्तरीय बनाउन आफनो सेवालाई थप सुदृढ, आत्मीय र ग्राहकमुखी बनाउने उद्देश्य लिएको बैंकले जनाएको छ ।
